IGR: 0104. Versión: 58. Rima: á-a. Hemistiquios 44.
San Xuan de Lousame (ay. Lousame, p.j. Noia, A Coruña, España)
Mañanciña de San Xoan cando o sol alboreaba
a Virxe Santa María dos altos ceos baixaba
c`un ramaliño de flores y-o libro donde rezaba.
Chegou onde a fonte fría chegou onde a fonte clara
e botando a bendición d`esta maneira falaba:
Dichosiña da doncella que colla da flor da y-agua.
Oíuna a filla do rey dend`o pazo donde estaba,
si depresa se vestira mais de presa se calzara,
e pra chegar ond`a Virxe mais depresa caminaba.
Señora, son a doncella que collera a flor da y-agua,
xarriña trayo de vidrio, vos m`a daredes de prata.
A filla do rey enton vai catar a flor da y-agua,
mete a xarriña de vidrio ¡e a saca toda dourada!
¿Quen lle podrá ser a señora que estas maravillas faga?
Son a Virxe, miña filla, son a Virxe Soberana.
Si a Virxe sodes, Señora, contésteme a esta palabra,
si teño de ser solteira ou teño de ser casada.
Casadiña, miña filla, e mais ben afortunada,
casadiña con tres fillos todos tres terán espada.
A nena cheia de gozo cae no chan esmayada,
tocalle a Virxe María co ramalliño na cara
y-a filla do rey esperta ¡e esperta na sua cama!