IGR: 0049. Versión: 225. Rima: á. Hemistiquios 38.
Tánger (Marruecos)
Levantóse el conde Niño mañanita de San Juan,
fue a darle agua a su caballo a lasorillas de la mar.
Mientras los caballos beben el conde dice un cantar;
mujeres que están encinta las hacía abultar,
güertas que están cerradas se abren de par en par.
Si oís, la niña infanta, si durméis o despertáis,
si oís como canta la serena de la mar.
No es la serena, mi madre, ni menos lo su cantar,
el conde Niño, mi madre, que a mí viene a demandar.
Si a ti demanda, la `infanta, yo le mandaré a matar.
Si lo matareis, mi madre, juntos nos han de enterrar.
La reina, con tanta rabia, los mandara a matar;
De ella corrió leche y sangre y de él corriera sangre real;
muere el uno y muere el otro ya los mandan a enterrar.
De ella salió una toronja y de él creciera un limonar,
crece el uno y crece el otro, los dos se van a juntar;
la reina, con grande celo, los mandara a cortar.
De ella sale una paloma y de el saliera un gavilán;
vola uno, vola otro y al cielo van a juzgar.