IGR: 0190.1+0246. Versión: 3. Rima: á. Hemistiquios 32.
Turquía s. l. (Turquía)
¿Ande vos vas, caballero, ande vos vas y me dejáx?
Me dejáx niña y muchacha los mis años por gozar.
Dos hijicos tengo, lloran y demandan pan.
Que vos haré, mi bulisa cien dublinos quita da;
si esto non vos abasta, ya tenés d` ande tomar:
venderés campos y viñas, media parte de civdad.
Esto que oyó la su madre, maldición le fué a echar:
Todas las naves van y vienen la del mi hijo vaiga y non torne más.
Pasó tiempo y vino tiempo, escariño le suvió;
aparóse a la ventana la ventana de la mar,
vido venir nave franca navegando por la mar.
Así bive, el capitani que me digas la verdad:
si lo vites al mi hijo, al mi hijo el caronal?
Ya lo vide al tu hijo echado en el arenal;
la piedra por cavesera el cielo por cubiertal.
Esto que oyó la su madre a la mar se fue a echar.
Notas del editor: Al cantar se repite la primera mitad de ciertos segundos hemistiquios: -4b cien dublinos, -7b maldición, -8b vaiga ; -9b escariño; -11b navegando; -13b al mi hijo; -15b el cielo; -9a se repite entero; -26a caronal carnal, querido.