IGR: 0190.1+0246. Versión: 2. Rima: á. Hemistiquios 44.
Turquía s. l. (Turquía)
¿Ande vos vas, vos, cavallero, ande vas, y me dejáx?
Me dejáx, niña y muchacha, chica so, de poca edad.
Tres hijicos chicos tengo, lloran y demandan pan.
Metió su mano en su pecho, cien dublones, quita das.
No me abasta, cavallero, no me abastan para pan.
Si es que no vos abasta, toparéx donde tomar:
venderéx campos y viñas, media parte, la civdad.
Esto que oyó la su madre maldición, le fue a echar.
Las naves del mundo entero vayan, tornen en paz
y la nave del su hijo vaya, y no venga más.
Ya fue tiempo y vino tiempo, ecariño le subió.
Se asentóse en la ventana la ventana de mar,
vido venir nave franca navegando por la mar.
Así biva, capitello que me digas la vedrá:
si lo vitéx tú al mi hijo al mi hijo, el carolar?
Yo lo vide al tu hijo al tu hijo, el carolar:
la piedra por cavesera, la arena, por cubiertal.
Esto sintió la su madre, a la mar corrió a echar.
No vos echéx, madre mía, yo so tu hijo, el carolar,
Si tú eres el mi hijo ¿qué señas, me vas a dar?
Debaxo del pecho ziedro allí tenías un lunar.
Se toman con mano, se van,__ya se van para el conac.
Notas del editor: -14a así viva «por favor»; -14b vedrá verdad; -15b, -16b carolar (caronal) carnal, querido; -21a ziedro izquierdo; -22b conac casa enorme, palacio (turco).