IGR: 0169. Versión: 134. Rima: 6+6 y 8+8 estróf.. Hemistiquios 88.
Sarajevo (Bosnia)
Alevantéis mi madre, una demañana
cuando alboreara e amanecía,
a lavar mi cara a onde el sol salía,
a lavar mi cara con agua helada.
Por ayí pasó un mal moro que me captivaría,
Tomadla, señora, esta linda captiva,
que en nuestro reinado no hay más garrida.
Tomaldéis, señora, esta linda esclava,
que en nuestro reinado no hay más galana.
¿Para loque yo quero esta linda captiva?,
el rey es mansevo, la tomara por amiga.
¿Para qué yo quero esta linda esclava?,
el rey es mansevo, la tomara por amada.
Mandadla, señora, a lavar al río.
Perderá colores, medrara sospiro.
Quitalde, señora, el bever del vino.
Perderá colores, medrará sospiro.
Cuanto más le quita el bever del vino,
más se le reciende su color garido.
Ainda no es día, ni amanecía,
cuando la niña blanca hace la lis^ija.
Ainda no es día, ni alvoreava,
cuando la niña blanca ens^agua la colada.
Ayudedme el Dio alto, y la madre que me parió.
Por ayí pasó un caballero, que amores le prometía.
Si te place a la niña, háceme compañía.
Bien me place, caballero, me place y me convenía.
Los paños del rey, ¿ónde los dejaría?
Los de seda y plata, del río abajo,
los de perla y oro, encima mi caballo.
¡Ay campos, ay campos, campos de oliva!
Vos dejí chiquitos, vos topí crecidos.
¡Ay campos, ay campos, [ay campos] de Granada!
conta a la buena gente que me lleváis captivada.
¿De ónde conecéis, ñiña, campos de Granada?
Cuando el rey mi padre ensembró la granada,
estonces los moricos a mí me cativaran.
A las señas que tú dieras, tú sos la mi hermana.
Avrides, mi madre, puertas del castillo,
que en lugar de nuera, hija vos he traído.
Avrides, mi madre, puertas del palacio,
que a lugar de nuera, hija yo vos traigo.
Si es la mi nuera, ayí está el palacio.
Si es la mi hija, venga a mi lado.