IGR: 0113. Versión: 97. Rima: í. Hemistiquios 52.
Istanbul (Turquía)
Arvolero, y arvolero, arvolero a tan g+entil;
la raís tenes+ de oro, la simiente de marfil.
La rama de maz arriva, havía una dama tan g+entil;
peinava sus colas con peine de marfil.
Por ayí pasó un cavayero, cavayero tan g+entil.
¿Qué bus+cas+ vos, mi bulisa, que bus+cas+ vos por aquí?
Bus+co yo al mi marido, mi marido Amadí.
-¿Vos qué das+, la mi bulisa, quen vo lo trus+era aquí?
Dava yo miz trez molinos, trez molinos de Amadí;
el uno mole canela, y el otro s+aps+aní
el más chiquitico de eyos, harina para Amadí.
¿Vos qué das+, la mi bulisa, quen vo lo trus+era aquí?
Dava yo miz trez conaques, trez conaques de Amadí;
el uno para la huerta y el otro para el yalí;
el más chiquitico de eyos, para holgar y durmir.
¿Vos qué das+, la mi bulisa, quen vo lo trus+era aquí?
Dava yo miz trez donzeyas, trez donzeyas de Amadí;
l[a] una para la reina, la otra para servir,
la más chiquitica de eyas para lavrar y cuzir.
¿Más qué das+, la mi bulisa, quen vo lo trus+era aquí?
Dava yo mi bel de oro, mi bel de oro de Amadí.
¿Más qué das+, la mi bulisa, quen vo lo trus+era aquí?
Mal año tal cavayero, que se acometió a dezir.
No maldigas+, mi bulisa, no maldigas+ vos a mí,
que yo so uestro marido, uestro marido Amadí.