IGR: 0133. Versión: 12. Rima: é. Hemistiquios 46.
Sarajevo (Bosnia)
El buen rey tenía una hija, una hija muy zarif.
Non la dava el su padre, ni por oro ni por aver,
sinon quien la ganaría nel juego de l`ajedrez.
Se asentó madre y padre y sus hermanicos tres.
Juega el uno, juega el otro, non hace más que perder.
Juegó el Maurico Franco, la ganó en la prima ves.
Y sigún la ganaría, luego la hue a ver.
Topó la niña llorando lágrimicas dos i a tres.
¿De qué lloras, blanca niña, de qué lloras, mi bien?
Si lloras por vuestro padre, carnessiero [mío es].
Si lloras por vuestra madre, gizandera mía es.
Si lloras por vuestros hermanos, ya los matí todos tres.
El más chiquito de eos le di muerti de cruel.
Le cortí cuerpo y mano y lo hice un phinel.
Non lloro por madre y padre, ni por hermanicas tres.
Lloro por mi ventura, que non sé cuála es.
Vuestra ventura ya está sigura al lado la tenéis.
Una ves que sos mi ventura, asentemos a comer.
En medio de la comida le arogó un placer,
que le diera el cuchico, el cuchico sólo por ver.
Él se lo dio al derecho, ea lo tomó al través.
Asigún lo tomaría, lo enfincó por el bel.
Aquí me vengo en madre, y padre y hermanicos tres.
Nota de la transcritora: -1 «zarif – zart – djanume – meine seele (turkisch)», `mi alma`.