IGR: 0544. Versión: 2. Rima: é. Hemistiquios 24.
Turquía s. l. (Turquía)
Irme quero, la mi madre, irme quero y me iré
y las yervas de los campos por pan las comeré.
Lágrimas de los mis ojos por aua me las beberé,
con uñas de los mis dedos los campos los cavaré,
con sangre de las mis venas los campos los arregaré,
con bafo de la mi boca los campos los secaré.
En medio de aquellos campos una castillo fraguaré,
por ariento cal y canto, por afuera serai de rey.
Todo el quien por allí pasa ariento lo llamaré,
que me conten los sus males y yo también les contaré.
Si los suyos son más munchos, a pacencia lo tomaré,
si los míos son más munchos, con mis manos me mataré.
Variante: -12b con cuchillo me daré.
Notas de Romey: -6a bafo aliento; -8a ariento adentro; -8b serai palacio (Turco);