IGR: 2853. Versión: 5. Rima: á-o. Hemistiquios 30.
Salónica (Grecia)
En catorse de Nisán el pueblo de Israel,
el pueblo de Israel, de Ayifto salió cantando.
Quien con las masas al hombro, quien con los hijos en brasos,
las mujeres con el oro, lo que era más liviano.
Avoltaron la cara atrás, por ver lo que hay en camino,
vieron venir a Paró, con un pendón corelado.
¿Ande mos trojites Moxé, a muerir en despoblado,
muerir sin simbultura, y en la mar ser ahogados?
Hased tefilá jidiós y yo haré por el mi cabo.
Tanto fue sus esclamaciones, que al cielo hizo buraco.
Salió una voz del cielo, con Moxé hubo hablado:
Toma la vara, Moxé, toma la vara en tu mano;
parte la mar en doge calejas, y quita a los jidiós a nado.
Ande caminaba jidió la mar se iba resecando.
Ande caminaba misrí la mar se iba sobreviando.