IGR: 0677. Versión: 1. Rima: polias.. Hemistiquios 58.
Esmirna (Turquía)
De principio de sus males, navegando por las mares,
se le rompieron las velas en el golfo de mares.
¡Bendicho y alabado, que me quitó a despoblado!
De enfrente vido venir al que muchas almas toma.
Su flecha tiene en el hombro; sus ojos descarnecidos:
Hombre, ¿con qué temor salitex a estos campos despoblados?
¡Bendicho y alabado, que me quitó a despoblado!
Yo so hombre de el de en alto, que te vine a tomar el alma.
Hombre, déxame ir a mi casa, que tengo mujer muchacha.
Tengo tres hijicos chicos, que esperan mi esperanza.
Tengo una madre vieja, que espera mi bonanza.
Hasta Roma si te andas, hasta allí te iré a tomar el alma.
Todo lo que te pasó en el campo no te eches a olvidar.
Ya parte y el caballero, [. . . . . . . . . . . . . . . . . . .]
como rey encoronado en su casa andar:
Mujer mía, mi querida, cerréx puertas y ventanas;
y metémex un portalero, aunque sea secretero.
Allá media de la noche, el Huerco la puerta batía.
El mozo se aparaba: ¿Quién quiere a mi amo?
Si es por algún mandado, yo iré por el mi amo.
Si es cosa peligrosa, yo enviaré al mi amo.
No topó por onde entrar; entró por la llavedura de la puerta.
Mujer mía, mi querida, [. . . . . . . . . . . . . . . . . . .]
meteréx silla de oro y menos y adulzare.
Yo no so hombre de silla de oro, ni menos de adulzare.
Yo so de el de en alto, que vine por su mandado.
Ya le dio xamar de cara a cara; ya lo cegó de los ojos.
Mujer, démex los antojos, que ya no veo de los ojos.
La noche en la vuestra pierna; esta noche en la tierra.