IGR: 0189. Versión: 77. Rima: 6+6 estróf.. Hemistiquios 35.
Turquía s. l. (Turquía)
Siete anos anduve por una hermosa linda;
no me la dexan ver por huerta ni por vina.
Me dicen la gente que me haga romero,
que vaya a su puerta como un forastero.
Me hize yo romero de la Roma falsa;
fui a la su puerta, limosna quería.
La hija lavrava, la madre cozía.
Alevantéx, dama, dexa el lavradero;
desle la limosna a este forastero.
Madre la mi madre, o qué mal romero;
yo le do la limosna él me apreta el dedo.
No le topéx culpa a este forastero;
`tina o no atina, él allá es ciego.
Yo te rogo, dama, que me quitéx a este camino.
Quitándole al camino gunto se la llevaría.
Ya salió la madre en gran buxquería:
No vitéx a la flor, la flor enflorecida
la flor de la granada. . . .